Acerca deste web

RepublicaGalega.org

Este web nace o 27 de xuño de 2014 coa intención de reunir todo o material dispoñible acerca da República Galega como feito histórico (I República Galega) pero tamén como demanda política actual de diversas forzas políticas e movementos sociais galega. O web é un proxecto persoal, sen vencello con ningunha forza política, creado por Casdeiro, ciberactivista galego que rexistrara o dominio xa en 2004, e que o ofrecera para a súa xestión aos colectivos que organizan a Festa da República Galega. Finalmente, e de acordo con eles, decidiu en 2014 encargarse da súa xestión directamente para non demorar máis a posta en marcha do web como punto de referencia para unha reclamación política que cobrou nova actualidade a raíz da abdicación do Rei de España, Juan Carlos I. Ata esa data o dominio estivera redirixido a un dos tres blogs relacionados coa devandita Festa. O web compilará información publicada ata a data sobre a historia da I República Galega e tamén noticias de actualidade. Aínda está nunha fase beta e faltan numerosos deseños, contidos e noticias que se irán publicando nos vindeiros días; se queres enviar ti algún contido ou colaborar dalgunha outra maneira, ponte en contacto co xestor do blog.

Información de contacto

Agradecementos

Martiño Picallo (Luscofusco), Lois Pérez Leira, Masús e Carlos Calvo Varela.
I & II

I República Galega

Proclamada o 27 de xuño de 1931 por Pedro Campos Couceiro e Antón Alonso Ríos, tan só sobreviveu unhas poucas horas. Alonso Ríos foi nomeado presidente da Xunta Revolucionaria da República Galega.

II República Galega

Varias forzas políticas galegas reclaman na actualidade a constitución dunha República Galega independente. Esta reclamación cobrou novo vigor en 2014 tras a abdicación do Rei de España e as demandas por unha reconfiguración da forma do Estado Español, moitas delas pedindo tamén o recoñecemento da soberanía das nacións que ata o de agora forman parte obrigada del.

Outras Repúblicas

Hai forzas políticas que defenden a integración de Galiza dentro dunha República Española, tanto de tipo autonómico, federal ou confederal. Tamén as hai que rexeitan tanto a forma monárquica coma a repúblicana e defenden que Galiza sexa soberana pero baixo a forma dunha Mancomunidade de Parroquias libres confederadas.
Bandeiras
Acerca destas propostas de bandeiras para a República Galega.
Contacto

Se queres contactar para ofrecer a túa colaboración ou se queres facer algún outro tipo de achega, en contidos ou economicamente para axudar cos custos de xestión do web, podes poñerte en contacto co xestor de RepublicaGalega.org en:

O teu email (obrigatorio)

A túa mensaxe